13.11.05

Takk fyrir mig

Kærar þakkir fyrir mig Auður.
Ég skemmti mér rosalega vel í gær og ég vona að þú hafir gert það líka. Maður er svona pínu dofinn í dag en það er alveg þess virði. Sjáumst.
Kveðja,
Inga María

11.11.05

party party

Nei Inga mín
Síðan dugar ekki til, ég hringdi svo í hinar og staðan er sú að
Þú, Björk, Ragga, Guðrún og Sirrý koma, Ásta kemst ekki og Bryndís kannski og þá seint.
Annars eru nú líka fleiri því þetta er ekki bara Saumó heldur er þetta afmælisdjamm. En þó eingöngu kellingar. Ef þið hafið einhverjar óskir varðandi tónlist, þá takið hana bara með.
kv.
ein í stuði

PARTÝ

Hæ
Ég er sko komin í djammgírinn, verður ekki örugglega PARTY???? Klukkan hvað eiga svo herlegheitin að byrja ca. Hlakka til að hitta ykkur í þessum gír - langt síðan við höfum dottið almennilega í það saman!!!

Það eru engin almennileg viðbrögð við partýinu á þessari bloggsíðu ;( hefurðu eitthvað heyrt í hinum skvísunum? Ég hélt að við værum svoddan partyanimal í þessum saumaklúbbi ;) en við verðum a.m.k. fjórar og það verður sko rosa stuð hjá okkur, ekki satt
Stuðkveðjur,
Inga

9.11.05

PARTY

Ég óttaðist að það gæti farið svo að ekkert yrði úr þessu þar sem ég varð slöpp í gær, hélt ég væri að fá flensu. Núna er ég nokkuð viss um að þetta er ekki flensa bara helv. nefkvef með ennis- og kinnholubólgum sem ég er nokkuð viss um að ég þoli nú. Ég ætla að hafa teiti á laugardag sama hvað !!!
kv.
Auður

7.11.05

Afmæli

hæ hæ
ég er að hugsa um að halda Partý á laugardaginn næsta því ég á afmæli og þá verður maður að gera eitthvað skemmtilegt, hvað segið þið, eru þið til í Kellingapartý??
kv.
Auður

6.11.05

Eitthvað að frétta stelpur?

Sælar stelpur!

Hvað er að frétta? Hvernig var í bústaðinum Ragga og hvernig var úti hjá þér Auður? Ég trúi ekki öðru en það hafi verið rosa gaman hjá ykkur báðum. Ég sit núna yfir tölvunni og er að reyna að vinna í enn einu verkefninu mínu og er aðeins að eyða tímanum í eitthvað annað ;) Þessi törn hjá mér verður væntanlega búin nk. föstudag, jibbíí - get ekki beðið. Hlakka til að heyra frá ykkur stelpur. Vona að Ásta hafi séð að hún á saumó næst annars verðum við bara að meila á skvísuna.
Kv. Inga

19.10.05

Ég var búin að sjá þetta

Ég var búin að sjá þetta áður Inga, ég var á báðum áttum hvort ég ætti að hlæja eða gráta.
Dæmi hver fyrir sig, þetta skýrir sig sjálft þó að ekki kunni maður tungumálið, það er það merkilega við þetta video. En ég veit ekki hvort að um einelti var að ræða, ég skildi sem svo að um þátt um læknamistök hafi verið að ræða.

Boemerang

Stelpur þið verðið að kíkja á þetta. Þetta er bæði það fyndnasta og það allra, ALLRA VANDRÆÐALEGASTA sem ég hef séð!

Þetta er myndbrot úr "hvar eru þeir núna" þætti, svona belgískur Sirrý/Oprah þáttur. Þáttastjórnandinn er að taka viðtal við mann sem hefur verið lagður í einelti frá því hann var lítill og flestir í salnum hafa við sama vandamál að stríða. Þáttastjórnandinn var rekinn eftir þáttinn því hann þótti ekki taka málefnið mjög alvarlega!!!

saumó á laugardagskvöld

hæ hæ
Þá er það loksins komið, ég get haldið saumó á laugardagskvöld. Það er eina kvöldið sem ég get það það sem eftir lifir mánaðar (nema í kvöld en það er of stuttur fyrirvari).
Allavega helmingur getur mætt, ein kemst ekki og er ekki búin að heyra í þremur.
ss. sjáumst á laugardagskv.

17.10.05

Október saumó II

Jæja varðandi það hvenær ég get haldið saumó, ég stakk upp á föstudag en ef þið hafið kýkt á kommentin þá eru Inga og Barbie búnar að minna mig á Idolið, s.s. föstudagur er ekki góður.
Þá stakk ég upp á fimmtudag, en nú var ég að fatta að ég er boðin í boð hjá bláa lóninu á fimmtudag. Hvernig litist ykkur á laugardags eða sunnudagskvöld?

Sælar aftur

Hæ aftur!

Loksins er ég aftur komin með aðgang að blogginu eftir langt hlé. Takk Inga mín fyrir að redda mér.

Sorrý stelpur að ég hélt ekki saumó í september, hafði því miður bara alls ekki hugmynd að það væri minn mánuður. Eflaust hefur einhver gaukað þeim upplýsingum að mér en þær hafa þá bara ráfað eitthvað í burtu.

Á ég ekki bara að halda saumó fljótlega? Ég er alveg til í að skella einum svona inn á milli ef þið eruð til í að kíkja á Skagann.

Bæjó,
Sirrý

13.10.05

októbersaumó??

Sælar Stúlkur
Ég ætla að gera óformlega könnun á því hvaða dagur hentar fyrir saumó, en samt er ég ekki viss um að það sé góð hugmynd því það eru nokkrar sem ekki lesa þessa síðu held ég.
Alla vegana ætlaði ég að hafa hann í blálok mánaðarins en það mun ekki ganga upp hjá mér, svo var Inga að tala um að sumir ætluðu í sumarbústað í haustfríinu. Þannig að hann verður líklegast að vera nær "Júní" saumó en ég ætlaði.
Saumóinn verður að vera í næstu viku, svo ég var að spá í föstudaginn í næstu viku þann 21, hvernig er það?
Ég verð í ferð 23 - 27 og því ekki í bænum, svo er ég að reyna að komast í frí til þýskalands um mánaðarmótin, svo ég veit ekki hvort ég sé á landinu þarna um 28-31.
Hvaða dagur í næstu viku er hentugastur?
kv.
Doppa

12.10.05

Takk fyrir í gær

Hæ og takk fyrir í gærkvöldi
Mér fannst rosa gaman að fá ykkur. Það var fámennt en mjög fínt - því meiri afgangar handa mér til að jappla á með lærdómnum :)

Sirrý er komin með nýtt e-mail: sirryhelga@simnet.is

Úps. gleymdi að segja ykkur frá Guðrúnu að hún verður með Volare kynningu á föstudagskvöldið n.k., veit ekki klukkan hvað, þið hafið bara samband við hana ef þið hafið áhuga. Þá er það komið til skila :)

7.10.05

Mannanöfn

ég rakst á eftirfarandi pistil á einhverju bloggi og fannst afskaplega fyndið.

"Nú er til dæmis hægt að setja saman fullt af íþróttastjörnum: Ríó Ferdinand, Edvin Móses, Martin Max, og Patrik Bergur, eða tónlistarhetjur á borði við Lars Ulrich, Þorra Amos og Marvin Geir. Ekki má gleyma kvikmyndastjörnum svo sem Richard Príor og Alexíus Baldwin. Fyrir matarspekinga vil ég benda á Parmes Andra, og drykkjumenn, Per Nóa. Allt nöfn úr mannanafnaskrá. Eitt af nýju nöfnunum er Elvin en það hlýtur að vera prentvilla og á örugglega að vera Elvis, kónginum til heiðurs sjötugum.Atlas Tindur og Sigur Bogi eru nýjungar, en möguleikarnir eru endalausir og ekki lengur bundnir við Leif Arnar og Brand Ara. Ég nefni nokkur nöfn til hagræðis fyrir nýorðna og verðandi foreldra sveinbarna: Ögri Fólki og Þjálfi Víðar (hefði passað á Gauja Þórðar), Mars Ari (fyrir dansáhugamenn), Ölver Loki (fyrir bindindispostula), Beitir Vopni og Kaldi Karl (fyrir handrukkara), Hafnar Brimi (fyrir sjómenn), Haki Skafti (fyrir grafara), Dan Kort (fyrir verslunarmenn), Hjarnar Viðar og Saxi Lýtingur (fyrir lækna), Skefill Skeggi (fyrir rakara), Gerðar Dómald (fyrir samningamenn), Ómi Hreinn (fyrir tónlistarmenn), Hraunar Bolli (fyrir jarðfræðinga), Búi Engill (fyrir presta), Skíði Skúta (fyrir útivistarfólk), Neptúnus Geisli (fyrir stjörnufræðinga), Finn Ástvin (fyrir björgunarsveitarmenn), Stormur Austar (fyrir veðurfræðinga) Gutti Heimir (fyrir aðdáendur Stefáns Jónssonar) og loks Viðar Brestir (fyrir smiði). Löggild drengjanöfn alltsaman.Oft hef ég varið stúlkunafnið Kría sem sumum finnst fáránlegt en mér alls ekki. Það er samt hægt að leika sér með þetta og búa til samsetningar að gamni sínu, en ekki rakst ég á kunnugleg nöfn úr erlendum íþróttum, menningu og listum við lauslega athugun á stúlknanöfnunum.Menn þekkja núorðið fjölda dæma um skemmtilegar samsetningar, Líf Vera, Björt Nótt og þess háttar og því e.t.v. í bakkafullan læk að bera. En stundum virðist eins og heildarhljómur og merking samsetningarinnar gleymist: t.d. Von Dara, Agna Rögn, eða Odda Tala (fyrir stærðfræðinga), Mýra Borg, Brák Arey eða Snorra Þula (fyrir Borgfirðinga og Mýramenn), Vanda Málfríður (fyrir sálfræðinga), Munda Boga (fyrir veiðimenn), Birta Mörk (fyrir íþróttafréttamenn), Tea Sía, Sólbrún Bera, Karla Þrá, Gógó Mey, Sölva Tína, Selja Sigdóra, Rán Dýrborg, Ylja Rún, Njóla Þúfa. Nú er nóg komið en allt beint úr skránni."

6.10.05

Október saumó

Sælar stúlkur
Nú verðum við að fara að herða á okkur ef við viljum halda alla klúbbana sem eru eftir á árinu. Ég á október, en nú heldur Inga Júní í næstu viku svo ég held minn frekar undir lok mánaðar til að það sé smá tími á milli. Ég þarf að finna út úr því hvenær besti tíminn er en geri ráð fyrir síðustu vikunni í okt.
sjáumst á þriðjudag hjá Ingu
kv.
doppa
p.s. flott viðbót Inga einmitt það sem við þurftum.

5.10.05

Upplyfting

Hæ
Ég tók mig aðeins til og fór að leika mér aðeins með bloggsíðuna okkar, bjó til lista yfir hvenær hver á að halda saumó. Vona að þetta veiti okkur smá aðhald og við gleymum ekki hvenær við eigum að halda saumó. Síðan var ég smá að leika mér, vona að ykkur líki ; )
Sjáumst vonandi á þriðjudaginn.

4.10.05

saumó næsta þriðjudag

hæ hæ
ég verð að vinna á Hagstofunni næsta þriðjudag, en ég myndi þá koma eftir 10, ef ég má koma svo seint.
Ég er alfarið komin á gamla bílinn henna mömmu, því hún var að kaupa sér nýjann.
kv.
doppa

Saumó - klukk

Hæ
Loksins ætla ég að standa við að skrifa upp einhverjar 5 staðreyndir um mig. Ég ætlaði reyndar að gera það á föstudaginn en þá voru einhverjar viðgerðir á blogger.is þannig ekki tókst það þá svo einhvernveginn dróst þetta, skil ekkert í þessu ;)

1. Ég fór á tvenna tónleika í sumar, U2 og Duran Duran og er rosalega ánægð með að hafa drifið mig :)
2. Ég er algjör bruðlari, er algjör snillingur að eyða í ekki neitt!
3. Ég hlakka alltaf til húsmæðraorlofsins með saumó því ég elska að borða, drekka, slappa af í góðra vina hópi :)
4. Ég fékk hestadellu þegar ég var smápæja og hef hana ennþá. Ég á þó ekki hest en ætla að bæta úr því eftir nokkur ár því þá er stefnt á að kaupa hest :)
5. Ég er með algjöra kóngulóafóbíu, finnst þær ógeðslegar.

Jæja þetta hafðist en ekki er nú hugmyndaflugið öflugt. Nú skora ég á ykkur hinar að koma með nokkrar staðreyndir um ykkur stelpur, þið hafið nú eflaust meira hugmyndaflug en ég. Ég set á heimasíðuna mína hverja ég klukkaði :)

*** Saumó ***
Ég var að spá í þetta með saumó, hvernig líst ykkur á saumó næsta þriðjudagskvöld hjá mér? Ég verð eiginlega bara ákveða einhvern dag því annars dreg ég þetta örugglega fram á næsta ár, nei djók. Endilega látið mig vita, ég sendi svo SMS fljótlega ef ég fæ engin viðbrögð ;)
Er orðin mjög spennt að sjá nýju klippingarnar, kannski fleiri en Doppa og Barbie hafi átt eitthvað við hárið á sér.
Kv. Inga

2.10.05

message to barbie

hæ hæ
Það er barasta engin hreyfing hérna á þessari síðu hvað svo sem maður gerir til að hrista upp í ykkur. Nú jæja það er alltaf skemmtilegast að hittast, og nú er september liðinn og enginn saumó eða hvað ??
Barbie las á blogginu mínu um klippinguna mína og er svo forvitin að hún vill sjá mynd. Núna neita ég bara alfarið að setja mynd inn, ég verð að halda spennunni. (þ.e.a.s. spenning ekki hárspennu he he) Svo að við hittumst kannski fljótlega, ef einhver er að drepast úr spennu eða forvitni. Ég skipti nú ekki svo oft um hárstíl eða hvað.
Hvað segði þið um það að fara að hittast hver var næst með saumó, Sirrý eða hvað allavega er ég farin að sakna þín alveg ægilega Sirrý mín mér finnst eins og það sé komið heilt ár síðan ég sá þig síðast.
kv.
Doppa

21.9.05

þetta er til þess að fá ykkur til að skrifa eitthvað KLUKK

Klukk klukk
Jæja Linda klukkaði mig svo nú verð ég að svara með einhverjum 5 staðreyndum um sjálfa mig.

1. Ég á erfitt með að tala um sjálfa mig, vissi hreinlega ekki hvað í ósköpunum ég ætti að skrifa niður hér, er laumu feimnispúki.
2. Það þurfti 6 ár til að rétta tennurnar mínar, ég var svo óheppin að þær skekktust aftur svo að ég fékk teina á ný ári eftir að ég losnaði við þá, og þurfti því að nota góm til tvítugs.
3. Það var fleira í mínu lífi sem ég þurfti að ganga í gegnum tvisvar svo sem eins og bílprófið, ég féll á hringtorginu á gatnamótum Snorrabrautar/Hringbrautar. Mér til mikils léttis var þetta tákn niðurlægingar minnar fjarlægt stuttu seinna.
4. Fyrsti bíllinn minn var Mazda 363 árgerð ?78, við kölluðum hann Fredda fretara vegna aumingjalegrar flautu. Hann var gjöf frá systur minni og mági stuttu eftir bílpróf. Við upplifðum nokkur ævintýri saman svo sem eins og aukaflautur sem byrjuðu að flauta um miðjar nætur á rúntinum eða það að bensíntankurinn féll undan bílnum á Miklubrautinni á háannatíma.
5. Ég hef ekki átt bíl síðan 1989.

Ég get ekki annað en klukkað saumaklúbbinn og þar með talið Ingu Maríu.
Sem þýðir að nú megið þið rugla einhverjum 5 staðreyndum um ykkur hér á síðuna, Inga bíður betri tíma en hvað með ykkur hinar?

20.9.05

Klukk!!!

Klukk hvað!

Ég verð að fá að salta þetta kannski fram að helgi, ég er svo busy :) akkúrat núna en ég lofa að gera þetta ;)

P.s. Sirrý þú átt septembersaumó :) svo reyni ég að lauma mínum júnísaumó fljótlega að.

19.9.05

Klukk

Sælar stúlkur
Ef þið kýkjið á bloggsíðuna mína þá sjáið þið að ég er búin að klukka ykkur allar. Það er að segja þið eigið að skrifa 5 staðreyndir um sjálfar ykkur á bloggið. Og svo klukka einhvern annan.
kv.
Auður

14.9.05

Takk fyrir síðast

Hæ. Takk fyrir síðast. Ég sem átti hreinlega ekki vona á að neinn myndi koma þar sem ég hafði ekki heyrt frá neinum þá kom mér þetta mjög skemmtilega á óvart hvað margar komu. Mér fannst rosalega gaman að sjá ykkur. Það lá við að ég væri hálf þunn daginn eftir enda er ég ekki í mikilli þjálfun þó svo ég hafi ekki innbirgt mikið að mínu mati, hef nú stundum innbirgt mun meira magn af öli (eins og einn kassa eða svo ;) Ég skulda þó enn Júní saumó og kannski reyni ég að hafa hann í lok september eða byrjun október.
Eyþór náði að veiða einn fisk :) og þetta var rosalega gaman hjá þeim, kannski eitthvað álíka og húsmæðraorlofið okkar, ekki er það nú leiðinlegt. Ég hlakka mikið til næstu ferðar hjá okkur og ætli ég reyni ekki að toppa sjálfa mig í næstu ferð ;) tek kannski bara tvo kassa með mér næst.
Heyrumst vonandi fljótlega.
Kv. Inga

12.9.05

Doppa kveður sér hljóðs

Sælar stúlkur
Ég datt niður á þetta gamla viðurnefni mitt og datt í hug að hafa Það sem undirskrift hérna, í stíl við Barbie he he.
bæ bæ

takk fyrir síðast

Ég er nú bara að rita nokkur orð því við skrifum svo lítið hérna.
Takk fyrir síðast hjá Ingu á föstudagskvöld, Ragga, Bryndís, Ásta, Guðrún og Inga.
Ég geri ráð fyrir að restin hafi verið upptekin, en þetta var akkúrat það sem ég þurfti þetta kvöld, komast aðeins út og kjafta. Hangi alltof mikið ein heima yfir sjónvarpinu. Ég þarf að stunda einhverkonar félagslíf. Vonandi hefur veiðiferðin haft einhvern árangur hjá Eyþóri, fékkstu kannski eitthvað í soðið Inga.
Bið að heilsa ykkur
bless
Auður

2.9.05

ekkert djamm ha

Ég er´víst að fara í Þórsmörk á sunnudag svo ég fer nú ekkert að djamma á morgun. Það virðist heldur engin önnur hafa tíma hvort eð er.
sjáum bara til hvort við finnum tíma einhverntímann.
kv.
Auður

1.9.05

Hittingur

Ég er upptekin á föstudagskvöldið og langar mest að hafa það rólegt með Perlu og Ólöfu á laugardagskvöldið en helgina á eftir eruð þið alveg guðvelkomnar að kíkja í heimsókn um kvöldið og jafnvel að fá sér aðeins í glas en ég fer ekkert út því Eyþór verður ekki heima næstu eða þarnæstu helgi. Ég væri frekar til í föstudagskvöldið en skiptir þó ekki öllu máli hvort kvöldið það verður þ.e. ef einhverjir komast :)
Kv. Inga

30.8.05

gaman að sjá ykkur

hæ hæ
Það var svakalega gaman að sjá ykkur næstum allar í gær. Við vorum nú að spjalla um hvort við ættum að fara á djammið á föstudagskvöld. Ég er búin að ráða mig í ferð á föstudag og laugardag, en er í fríi á sunnudag svo ég get nú skroppið eitthvað á laugardagskvöldið. Hvernig er staðan hjá ykkur núna?
kv.
Auður

22.8.05

æj æj

Hvað er að heyra, elsku Ásta það er hræðilegt að þú skyldir ekki einu sinni getað séð manninn þinn á sviði, þegar þú þarft að búa við allar þessar æfiningar. Ég skil ósköp vel að þú skyldir fara í svona vont skap. MSN er ósköp einfalt í notkun, en ég veit ekki hvernig það er með MAC!!

Menningarnótt

Ég vona að þið hafið allar skemmt ykkur vel á menningarnótt, ég fór á endanum ekki neitt. Heyrði ekkert frá Björk. Og svo þurfti ég á endanum að vinna alla helgina hvort eð er, svo ég hélt mig bara heima. Fékk samt flugeldasýningu heima hjá mér um nóttina. Ég hrökk upp af værum svefni við það að sprengingar og læti áttu sér stað fyrir framan gluggann minn um miðja nótt. Mér brá það mikið að hjartað var alveg uppi í hálsi og ætlaði ég aldrei að geta sofnað aftur. Það þarf bara eina flugeldasýningu til að kveikja í brennuvargnum í mörgum íslendingnum sem þá fattar að hann á flugelda inni í geymslu frá síðustu áramótum...............

18.8.05

Björk

hæ Björk
Eigum við þá kannski að gera eitthvað bara tvær á menningarnótt??

17.8.05

Djammið

Ég var að hugsa um að vera með fjölskyldunni næsta laugardag á menningarnótt og þarnæsta laugardag er verið að spá í lokapartý í vinnunni þannig þar þar næsta föstudag eða laugardag væri ég til í eitthvað eða þá næstu helgi á eftir, hvað segið þið um það? Ég kemst allaveganna ekki næstu tvo föstudaga vegna þess að ég á að vinna á laugardögunum!!!
Við kannski pælum í þessu betur í saumó hjá Röggu :)
Kv. Inga

16.8.05

Djammið

ég kemst á laugard en ekki á föstud
eða einhverja aðra helgi þar sem flestar komast.
kannski er fólk að fara með fjölsk á menningarnótt á laugardaginn veit ekki
segið hvað þið viljið ég vil hitta ykkur krúttin ykkar
kv Björk

ég var búin að gleyma því Inga

já auðvitað ég var búin að gleyma því, ég kýkti á færsluna, sorry.
En það virðast greinilega ekki allar lesa síðuna svo oft, ég og Björk svöruðum þér Bryndís og Ragga voru í útlöndum. En ekkert heyrðist frá hinum. En svona er sumarið he he... Hvernig skildi svo sumarið hafa verið hjá þeim sem ekkert heyrist í Sirrý, Guðrúnu ( sem er víst ekki nettengd) og Ástu ( jú það heyrðist aðeins í henni í sumar)
Það væri gaman að fá nokkrar saman á smá djamm núna um helgina. Ragga kemst ekki það veit ég, en sjáum til hvaða stúlkur við fáum með okkur.
bæjó

Saumó

Hæ, hæ.

Mér líst vel á 29.8, ég kem.
Ég ætla mér að halda júnísaumó þó svo hann hafi ekki verið í júní. Ég reyndi að skipta (sjá 11.6) en það virtist enginn geta það þá :(

Við erum enn að vinna í eldhúsinnréttingunni en þetta fer allt að koma þetta tekur samt ótrúlega langan tíma þegar maður gerir þetta sjálfur þ.e.a.s. Eyþór (ekki hef ég getað gert mikið) m.v. þann vinnutíma sem hann hefur!!! Skólinn byrjar svo 1. sept. hjá mér en þetta er síðasta vikan hjá mér í vinnunni (3 dagar) + 2 næstu laugardagar þannig ég fæ ágætt frí áður en skólinn byrjar. Varðandi djamm þá er ég alveg til ef það er stemmning fyrir því ég samt einhvernvegin nenni ekki niður í bæ allaveganna ekki ef veðrið verður eins og það er búið að vera í dag (brrrrr), sjáum til með það en ég er alveg til í hitta ykkur og fá mér aðeins í glas, ekki vandamálið :)

Saumó

Sælar Stúlkur
Samkvæmt því sem við ákváðum í upphafi ársins þá áttu saumaklúbbarnir að eiga sér stað eftir stafrófsröð, sjá hér að neðan. Ég sit hér hjá Röggu sem á Ágústmánuð, hún var að bíða eftir því að þær sem eru á undan henni í stafrófinu héldu sinn saumó. Ég man ekki eftir marsmánuði, en Ragga heldur að Ásta hafi ekki haldið sinn þá. Líka vantar enn Maí og Júní saumó, Guðrún og Inga!!
Ragga sagðist halda saumó mánudaginn 29.8. , en hún krefst þess að þær sem ekki eru búnar að halda sinn samkvæmt áætlun verði að halda samt utan dagskrár saumaklúbba.
Kannski er best að afrita dagskránna hér að neðan og setja hana einhverstaðar þar sem hún geymist vel. OG ATHUGA AÐ SKIPTA VIÐ EINHVERN EF EKKI ERU AÐSTÆÐUR TIL AÐ HALDA SAUMÓ ÞANN MÁNUÐINN.

2005
Jan: Auður
Feb: Bryndís
Mars: Ásta
Apríl: Björk
Maí: Guðrún
Júní: Inga
Júlí: Frí
Ágúst: Ragga
Sept: Sirrý
Okt: Auður
Nóv: Ásta
Des: Björk

Og svo rúllar það áfram þannig að 2006 heldur svo svona áfram.
2006:
Jan : Bryndís
Feb: Guðrún
Mars: Inga
Apríl: Ragga
Maí: Sirrý
Júní: Auður
Júlí: Frí
Ágúst: Ásta
Sept: Björk
Okt: Bryndís
Nóv: Guðrún
Des: Inga

það er greinilega lítið fjör í okkur

hæ
Björk ég væri alveg sérlega til í smá djamm með saumó, eða bara þér ef ekki næst í fleiri!!
Ég er ekki búin að ráðstafa mér í vinnu um alla helgina ennþá. Þannig að það er enn hægt að pæla í næstu helgi, hvað segir þú um það??

Hæ Inga hvað ég öfunda þig af því að hafa kýkt á U2 á tónleikum. Ég er líka alveg komin á það plan að ég þarf að komast í alvöru frííííí.........
Er skólinn að fara að byrja hjá þér, þarf ekki að drífa þig á djammið áður en skólinn byrjar??????????? Við eigum ennþá eftir að skála fyrir brúðkaupinu þínu, nýju íbúðinni og afmælinu þínu líka.

Ragga samkvæmt Ingu ert það þú sem átt næsta leik, hvað segir þú um það?? Þá fengjum við kannski að sjá myndir frá Mallorka!!!!

Látið í ykkur heyra stelpur!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

12.8.05

Djammið

Hvernig væri að fara að kíkja á djammið saman ???
kv Björk

11.8.05

U2 - bara góðir

Sælar stelpur.

Þið verðið að prufa þetta einhverntímann, að fara á U2 tónleika, þetta var rosalega gaman. Við komum heim sl. föstudag eftir mjög vel heppnaða ferð bæði til Danmerkur og Þýskalands. Ég hlakka mikið til að hitta ykkur en ég átti að halda saumó júní en þið verðið bara að eigið hann inni hjá mér. Samkvæmt mínum kokkabókum þá ætti Ragga að halda í ágúst og Sirrý í september.

Sjáumst vonandi sem allra fyrst.
Sumarstuðkveðjur Inga María

2.8.05

hvernig er staðan ?

Hver á að vera með saumó í Ágúst?? Verður Saumó??
Mig er farið að langa tiil að sjá ykkur??
kv.
Auður

19.7.05

er sumarið komið?

hæ ég vona svo sannalega að sumarið sé komið þar sem ég er að fara á skátamót á morgun og vera í tjaldvagni í viku
annars mæli ég með því að þið skellið ykkur á mótið sem verður á Úlfljótsvatni það verður mikið stuð skemmtilegt að fara með fjölsk á laugardaginn

Ása fer víst ekki á skátamótið þar sem hún var að frétta í dag að hún ætti að fara til Svíþjóðar í fyrramálið með u-21 þannig að hún er að fara í aðra utanlandsferðina sína í sumar og er ótrúlega spennt yfir því

ok núna er komin nótt og ég farin að sofa
sjáumst á Úlfljótsvatni ég verð í leikskólanum í fjölskyldubúðunum :)
bæ bæ Björk

14.7.05

Loksins kom sólin!!!!

Ég er búin að vera vinna sem moldvarpa í allt sumar, reita arfa og reita arfa og reita arfa svo eitthvað sé nefnt. Það er búið að vera gaman en nú er ég alveg farin að þrá smá frí. Ég fer í 2ja vikna frí föstudaginn 29. júlí og ætlum við að fara í sumarbústað á Flúðum í viku og svo ætlum við Eyþór að skella okkur til Danmerkur í fertugsafmæli og fara svo yfir til Þýskalands á U2 tónleika ásamt því að heimsækja bróður hans þar. Ég er eins og litlu börnin að deyja úr spenningi. Ég og Eyþór ásamt 11.000 íslendingum skelltum okkur á Duran Duran tónleika um daginn og mikið rosalega var gaman.

Vona að allt sé fínt að frétta af ykkur og ég held saumó um leið og ég get en sorry það er allt á hvolfi hér heima eins og er þannig ég get ekki boðið í saumó strax.
bæ í bili, ætla út í sólina meðan hún er.
kv. Inga

2.7.05

hér er ég og get ekki annað

hæhæ Björk
Mér sýnist við vera einar hérna, svilkonurnar eru víst í sólinni úti. Og um restina veit ég ekki. Ég er mikið að vinna í ferðum þessa dagana og er bara frekar lítið að gera annað en að vinna. Ekkert frí framundan hjá mér, vonandi. Ég verð reyndar í fríi á morgun sunnudag, en ég þarf líka á því að halda. Tölvan mín gaf upp andann og er ég með mömmu tölvu í láni í bili. En þetta er nú alveg bölvað vesen.
Hringdu í mig ef þér dettur í hug að gera eitthvað á meðan stelpan er í burtu og þú hefur bílinn þinn til umráða he he.
kv.
Auður

HVAR ER FÓLKIÐ??

Hæ eru allir komnir í sumarfrí eða hvað nennir engin að skrifa nokkrar línur ?
jæja ég bíð spennt eftir að komast í frí bara vika eftir síðan FIMM VIKNA frí jé
Ása er að fara til Noregs á morgun með U-17 landsliðinu og verður í burtu í viku þannig að ég fæ að hafa bílinn alla vikuna hún hefur nefnilega dáldið oft skutlað mér í vinnuna þessa viku og sagt að ég geti bara labbað heim (sem ég hef reyndar dáldið gott af enn )
farið þið nú að skrifa pínu svo maður viti hvað þið eruð að gera
ég var að heyra að PAPARNIR séu á Players um næstu helgi er einhver stemming fyrir því ??
bið að heilsa og hafið það gott í góða veðrinu sem kemur þegar ég fer í frí :))
kv Björk

14.6.05

já engann bíl frá síðustu öld haha

hæ hæ Björk
Mamma ætlar sér líka að kaupa sér bíl og hann má ekki vera frá síðustu öld. He he
Já ég er að leiðsegja/gæda/guida þessa dagana er að vinna nánast alla daga. Er samt í fríi á morgun. Sem betur fer ég er hrædd um að röddin sé að fara. Alex jú ég veit hver hún er, hef unnið með henni í einni ferð. Leiðsögumenn vinna yfirleitt hjá mörgum fyrirtækjum og eru allir lausráðnir, eina ferð í einu þess vegna er ekkert fyrirtæki til að tengja fólk við. Svo að það er ekki að undra að þú vitir ekki hjá hvaða fyrirtæki.
Ég er hrædd um að þú verðir að tæla mig út í bíó eða eitthvað næst. Hringdu ef þér dettur í hug að gera eitthvað.
kv.
Auður

13.6.05

hæ Auður

Takk Auður
hann er árgerð 99 en bara ekinn 40000 og kostaði 620 þús
ég ætlaði ekki að kaupa eldri en 2000 en þessi var svo lítið kerður og vel með farin það er bara ein 70 kona búin að eigan
ég var orðin frekar leið á að leita að bíl aðþví að ef mér leist vel á einhvern þá seldist hann þannig að ég bað þá í toyota bara að hringja í mig þegar þeir finndu bílinn og þeir gerðu það
og ég er ótrúlega ánægð með hann en Ása á örugglega eftir að vera mikið á honum hún fær bílprófið á fimmtudaginn

ég bíð þeir einhver tíman á rúntinn og hvernig væri að draga mann aftur í bíó ??

ertu að vinna í rútunum (gæta) það er ein þýsk mamma á deildinni minni að gera það hún heitir Alexandra ég veit reyndar ekki hjá hvaða fyrirtæki
kv Björk

12.6.05

til hamingju Björk

hæ hæ
Til hamingju með nýja Bílinn Björk. Er hann þá nýlegur? Og hvað kostar svona bíll?
Mömmu langaði alltaf svo í Yaris.
kv.
Auður

hæ hæ

ég var að kaupa mér nýjan bíl vildi bara deila gleðinni með ykkur komin á RAUÐAN Yaris

Ragga og Bryndís fara 22. júní ég get því miður ekki skipt sorry
kv Björk

11.6.05

æj æj

Ég hefði nú alveg viljað skipta en ég er að vinna hvern einasta dag núna þar til 8 júlí, mislangir dagar eftir ferðum, en þetta er mest megnis langir dagar. Svo ég treysti mér ekki alveg til þess í augnarblikinu.
Hvenær er aftur útlandaferðinn hjá Röggu og Bryndísi?

kv
Auður

Saumó - vill einhver skipta

Hæ, hæ
Ég á að halda saumó í júní og stefndi á að gera það sem fyrst en það er verið að sparsla, pússa, mála og svo er stefnt á að skipta út eldhúsinnréttingunni þannig ég veit ekki alveg hvort ég get haldið í júní. Það er alveg sama hversu mikið ég reyni að þrífa heima hjá mér það er alltaf allt komið í ryk aftur. Ef einhver vill skipta við mig þá er ég til í það :)

Annars er fínt að frétta af mér, gengur bara ágætlega í vinnunni. Skellti mér meira að segja í partý í gærkvöldi sem var bara fínt. Umræðan í lokin var eitthvað að þennan veg..... ætli ég komist inn, átt þú skírteini til að lána mér, en ef ég kemst ekki inn ........ muniði eftir þessu, vá mér leið svolítið skringilega í þessari umræðu en hafði nú samt bara gaman af :) Þetta rifjar upp gamla tíma, mér finnst eiginlega svolítið langt síðan maður var að pæla í þessu - maður er að verða hálfgert gamalmenni, nei, nei - ekki strax, ekki tilbúin í það strax.
Kv. Inga

31.5.05

engin frumleg nöfn hjá mér

það eru ekki eins skemmtileg nöfn sem koma út hjá mér ef ég geri þetta.
Ásta + Sigurður = Ástsigur/ Sigurást nú ef við reynum seinni nöfnin þá er það
Nína + Guðmundur = Guðnína / Nínmundur
Ég get samt ekki hreykt mér af því að eiga þennan brandara þar sem ég bara stal honum af netinu.
kv.
Auður

30.5.05

Frábært Auður

Gaman af þessu Auður mín
ég skýri þá næsta barn Angrún eða Guðtýr
eftir mömmu og pabba
kv Björk

Þurfið þið nokkuð að skýra??

Afkvæmið lítur dagsins ljós og foreldrar, vinir og vandamenn eru himinlifandi, það er að segja svona í flestum tilfellum. En tíminnlíður og að því kemur að gefa þarf barninu nafn, en þá vandast nú málið.Móðirin vill láta barnið heita t.d. Guðmund, en faðirinn Jón. Ömmur og afar ætlast til að látið verða heitið eftir sér og foreldrarnir verða andvaka þegar líður að því að barnið skuli skírt. Sem betur fer er mjög hagkvæm lausn á þessum vanda, en þar sem tiltölulega fáir foreldrar hafa komið auga á hana vil ég nú gera þessu máli dálítið nánari skil. Lausnin er sú að gera eitt nafn úr tveim eða fleiri nöfnum afa eða ömmu, eða þeirra forfeðra og ættingja sem bráðnauðsynlegt er að láta heita eftir.Ef barnið er drengur er hagkvæmt að láta hann heita eftir báðum öfunum.Svo heppilega vill til að meiri hluti íslenskra nafna eru samsett úr tveimur hlutum, forskeyti og venjulegu nafni svo sem Ás-geir, Þor-kell, Guð-finnur o.s.frv. Í ljós kemur að þetta er mjög hreyfanlegt og má fá margar útgáfur eins og t.d. Guð-geir, Ás-kell, Þor-finnur o.s.frv.Og nú skal taka nokkur dæmi:Afi 1 heitir Sturlaugur Afi 2 heitir Starkaður barnið er skírt Sturlaður
Skammkell ---------------- Eilífur -------------------Skammlífur
Ísleifur --------------------- Sigurbjörn --------------Ísbjörn
Þjóðólfur ------------------ Konráð ----------------- Þjóðráð
Andrés-------------------- Eiríkur ------------------ Andríkur
Albert--------------------- Ársæll ------------------ Alsæll
Viðar---------------------- Jörundur --------------- Viðundur
Hringur------------------ Guttormur ---------------Hringormur
Stórólfur---------------- Friðþjófur ----------------Stórþjófur

Nú, svo eru ýmsir möguleikar að slá ömmu- og afanöfnum saman:
Amman heitir Kolfinna, afinn heitir Dagbjartur, barnið er skírt Kolbjartur
Vilborg ---------------- Þórhallur --------------Vilhallur
Málfríður------------- Sigfús -------------------Málfús
Afinn heitir Hákon, amman heitir Margrét ----------------- Hágrét
Haraldur ------------------- Monika -----------------Harmonika
Kormákur ------------------- Albertína --------------Kortína

29.5.05

Til Hamingju Sirrý

Til hamingju með hann Dóra þinn Sirrý mín þetta er engin smá árangur hjá kallinum frábært :)
alltaf gaman að heyra hvað við eigum gáfaða vini
bið að heilsa Dóra frábært

Sumar og sól

Hæ hæ.

Þetta eru allt frábærar hugmyndir hjá Auði og ég er sko meira en til í að gera eitthvað af þessu í sumar. Ég var hinsvegar fyrst að kíkja á síðuna okkar í dag og ég hefði hvort er ekki getað þetta um helgina. Við fórum í Selvoginn í gær og erum tiltölulega nýkomin heim núna. Við slepptum Gerplusýningunni þetta árið þar sem stelpunum langaði mikið frekar á vorhátíð Kársnesskóla og Vesturbæjar Kópavogs. Það var heldur ekkert sérstakt sem Perla átti að gera - hennar hópur átti að sýna einhver stökk á dýni en enginn sérstakur dans þetta árið þannig ég ákvað að það hlyti að vera í lagi, hún hefur líka alltaf mætt sl. ár.

Ég byrjaði síðasta mánudag að vinna og það er búið að vera svo mikil sól að ég veit ekki hversu mikið andlitið mitt þolið í viðbót, það verður bara sólarvörn nr 25 notuð það sem eftir er og Aloe Vera gel eftir á. Við erum búin að vera að reita arfa og moka fyrir görðunum og svo byrjar gróðursetningin á fimmtudaginn og ég sé fram á mjög fínt sumar :) Ef þið eigið leið framhjá skólagörðunum við Urðabraut (fyrir neðan Rútstún) þá megið þið endilega kíkja við, það verður bara gaman að sjá ykkur :) (samt ekki milli kl. 12-13).
Kær kveðja,
Inga

22.5.05

Heyyj girrrls

Sælar stúlkur
Er komin einhver niðurstaða í þetta mál með ferðalagið og fimleikana og allt.
Ég skil á því sem undan er gengið að það verði að falla frá ferðinni, en hvað segið þið um að gera eitthvað í bænum í staðinn?? Hvenær er sýningin? Getum við gert eitthvað á föstudagskvöldi eða laugardag eða sunnudag. Það þarf ekki að vera mikil fyrirhöfn að koma einhverju saman. T.d. gætum við hist heima hjá einhverjum okkar, til að borða og spila spil. Við gætum haft það þannig að hver og einn komi með einn rétt og eina rauða eða svo. Svo náttúrulega öll þau spil sem hægt er að finna.
Annað sem væri hægt væri sunnudagsbrunch hjá einhverjum, þar sem hver og einn kemur með eitthvað og á meðan annað (t.d. kaffi, egg og beikon) er eldað á staðnum.
Svo væri hægt að fara eitthvað út að borða um hvöld eða hádegi eftir því sem hentar.
Nú við gætum tengt þetta líka við sundferð í næstu laug, eða farið í bowling. Nú eða við brunum á Stokkseyri eina kvöldstund í humarveislu? Hvað getum við gert í staðinn fyrir að fara vestur.

Med hilsen fra Sverige.
Auður

19.5.05

Skuggi

Vá hvað Skuggi er sætur
kv Björk

18.5.05

Skuggi


Skuggi, er hann ekki flottur? Posted by Hello

Við vorum að fá okkur labrador hvolp. Hann er 9 vikna og er algjört krútt eins og sést á myndinni. Allaveganna finnst mér það :)
Er búin að setja inn nokkrar myndir, misgóðar en ég fékk lánaða vélina hennar mömmu og það sést mikill gæðamunur á þeim þannig það verður keypt ný myndavél mjög fljótlega.

16.5.05

Þar fór í verra

Nú líst mér ekki á blikuna, það er eins og okkur sé ekki ætlað að fara í þetta ferðalag. Hvað segið þið um að við gerðum þá eitthvað skemmtilegt í bænum í staðinn. Elda saman og spila eða eitthvað þessháttar.
kv.
Auður

1.5.05

Kemst ekki

hæ hæ ég kemst því miður ekki með ykkur ég var að biðja um launahækkun og hún bað mig að vinna þessa helgi vegna þess að hún er að fara út þá og ég gat ekki sagt nei vegna þess að ég vil fá launahækkun þið skilið kanski!!
jæja sjáumst seinna
kv Björk

29.4.05

Gaman að sjá ykkur

Það var gaman að sjá ykkur og spennandi verður að fara með ykkur vestur.
kv.
Auður

25.4.05

júhú saumó

ég kem þó ég þurfi að vera soldið sein.
kv.
Auður

LOKSINS SAUMÓ

saumóinn verður á fimmtud vona að allir komist þá Inga María og Guðrún komast alla vega sjáumst kv Björk

LOKSINS SAUMÓ

Saumó hjá mér á föstudaginn
komist þið ekki ??
kv Björk

Sól, sól skín á mig .......

Hæ skvísur og Gleðilegt sumar
Ég var að reyna að komast inn á bloggið til að skrifa um daginn en netið var eitthvað fúlt út í mig því ég gat loggað mig inn en komst aldrei inn á síðuna okkar :(

Af mér er ágætt að frétta, búin að vera dugleg síðustu tvær helgar að fá mér aðeins í glas. Vorum í matarboði aðra helgina og hina fór ég og hitti ÓÓ konurnar (makar Óskabarna Óðins - mótorhjólaklúbb Eyþórs) og það var rosalega gaman. Nú tekur hinsvegar alvaran við því prófin byrja hjá mér á miðvikudaginn oohhhh. Mér leiðast próf. Planið er hinsvegar að vera búin í prófunum 10. maí og klára SÍÐASTA verkefnið fyrir 13. maí (það er svokallað heimapróf) helst fyrr.

Síðustu vikuna er ég búin að vera einstæð móðir því Eyþór kom rétt heim til að sofa og var svo farinn aftur kl. 8. Það var nefnilega verið að breyta búðinni hjá honum og það er búið að vera ekkert smá törn, vinna frá 8:30-23/24 eða lengur. Í gær var hinsvegar búðin opnuð aftur og ég er mjög spennt að fara á eftir og sjá breytinguna.

Nóg í bili, nú ætla ég að fara að einbeita mér að náminu, ég er búin að vera alltof dugleg að festast á netinu. Þetta er hræðilegt, má bara alls ekki hafa kveikt á tölvunni því þá er ég komin á flakk. Ég er hinsvegar að æfa mig í Excel þannig ég verð að hafa kveikt á tölvunni, verð bara að hafa smá sjálfsstjórn :) sem ég hef EKKI!!!!!. Ef ég er ekki á netinu þá er ég á kafi inn í ísskáp, ég kem eflaust rúllandi út úr prófunum, æææææ. Það verður eitthvað tekið á því í sumar. Oooohh ég hlakka svo til sumarsins, enginn skóli, ekkert verkefni, ekkert próf - bara gaman gaman. Ég væri sko alveg til í að skella mér til Spánar með ykkur dömur (Ragga og Bryndís) en það verður að bíða betri tíma. Bið að heilsa ykkur öllum.

Bæ í bili.
kv. Inga

21.4.05

SUMAR

GLEÐILEGT SUMAR KRÚTTIN MÍN :)
KV BJÖRK

18.4.05

saumó

hæ Auður ég var bara að sjá þetta núna sorrý
ég á að vera með í apríl en Ásta átti mars
ég held líklega í næstu viku þar sem það er afmælispartý og veisla á miðvikud og sunnud hjá Ásu
kv Björk
ps farið nú að skrifa meira það er svo gaman að fylgjast með :)

17.4.05

saumó

Ég hef ekki fengið nein viðbrögðsvo ekki verður neinn auka saumó í kvöld. Svo var verið að bjóða mér í mat í kvöld svo ég geri það frekar.
kv.
Auður

16.4.05

Lýst eftir Saumaklúbbi

Sælar elskurnar
Ég er að lýsa eftir saumaklúbbi, við höfum staðið okkur mjög ílla í þeim málum undanfarið.
Ég hef að vísu misst af nokkrum í vetur og líklega finnst mér þess vegna eins og þeir hafi verið færri en oft áður.
Ef þið hafið áhuga er ég til í að halda utandagskrár saumaklúbb á sunnudag, annað kvöld.
Bryndís mín, ég skoðaði myndirnar af Bergdísi á spítalanum, ósköp finnst mér það alltaf átakanlegt að sjá barn með umbúðir. Ég fæ alltaf sting í magann. Annars fór Birkir bróðursonur minn í svona aðgerðir á báðum höndum. Og þeir eru algjörir snillingar á spítalanum, maður sér ekki nein ummerki á honum í dag 15 ára.
kv.
Auður

12.4.05

hæ

hæ takk Björk
Já ég er heima hjá mér, ég fór aldrei úr íbúðinni. Mágur minn gisti hjá systur sinni og stelpurnar hjá annari frænku sinni sem á krakka á svipuðum aldri.
Svo allt fór vel, þau fara á miðvikudag.
kv.
Auður

11.4.05

Góðar Myndir

Góðar myndir Auður mín
ertu komin aftur í íbúðina þína?

kv Björk

6.4.05


Systur Posted by Hello

Mæðgur  Posted by Hello

30.3.05

Hæ, hæ

Sælar skvísur og gleðilega páska
Ég var að kíkja á hver á að halda saumó næst: Ásta - mars
Björk - apríl
Guðrún - maí
Inga - júní
sumarfrí í júlí

Af mér er svosem ekkert að frétta er bara að drukkna í verkefnavinnu. Skilaði tveimur í dag, einu á morgun og svo er próf á laugardaginn. Get ekki sagt að ég hafi notið þess að vera í "fríi" en þetta fer að verða búið. Hlakka bara til að sjá ykkur, vonandi fljótlega.
Kær kveðja,
Inga María

26.3.05

hæ

hæ Auður ég á því miður engar dýnur heldur.
Bryndís til hamingju með Baldvin þetta var frábært alltaf gaman að fylgjast með gettu betur
gleðilega páska stelpur mínar
kv Björk

Dýnur

Sæl Auður mín.
Ég samhryggist þér innilega.
Ég á því miður engar auka dýnur en ég á tvær tvíbreiðar vindsængur ef það getur hjálpað og þér er velkomið að fá þær lánaðar.

Kær kveðja og gleðilega páska
Inga María

23.3.05

hæ

Ég kem heim aftur á laugardag. Það verður ágætt að fá smá rólegheit áður en öll familían kemur svo til íslands fyrir minningarathöfnina. Við mamma flytjum í íbúð vinkonu hennar á meðan og þau verða öll í okkar íbúðum. Þá vantar okkur 3-4 dýnur. Á einhver gestadýnur til að lána okkur?
Heyrumst síðar
kv.
Auður

13.3.05

Auður

Góða ferð Auður mín og gangi þér vel ég bið innilega að heilsa mömmu þinni við sjáumst eftir páska láttu heyra í þér þegar þú kemur heim.

við vorum mikið í pottinum og spiluðum smá svo var singstar sem ég er ekki mjög góð í þó það komi verulega á óvart
kveðja Björk

hæ

Ég vona að þið hafið skemmt ykkur vel í bústaðnum um helgina, þið fenguð aldeilis veðrið til þess.
Ég flýg í fyrramálið til Svíðþjóðar og verð þar fram yfir páska.
kv.
Auður

9.3.05

Stemming

er ekki komin steming í hópinn??
ég er allaveg mjög spennt vona að það verði geðveikt stuð hjá okkur
kv Björk
ps. munið eftir sundbolum

8.3.05

Shopping

Við Bryndís erum búnar að mæla okkur mót til innkaupa á fimmtudaginn, er eitthvað sem ykkur vantar/ langar sérstaklega í, sem við eigum að kaupa.
Hugmyndir að morgunmat, t.d. er eitthvað sem þið verðið að fá í morgunverð eða meigum við ráða? Hvað viljið þið snarla? Allar hugmyndir velkomnar.
kv.
Auður

7.3.05

4 dagar til stefnu

hæ hæ
ég skrifa hér til minnis það sem mér dettur í hug í augnarblikinu:
annað en matur sem þarf að taka með og við getum keypt eða tekið með að heiman?
Klósettpappír (just in case?)
Servéttur/ eða eldhúsrúllu
kerti
kaffipokar
ísmolar


tókum við einhverntíman viskustykki með?
þarf að hugsa um eitthvað eldhúsdót, einhver tæki og tól sem eru ekki til á staðunum og þarf að taka með?
tónlist, geisladiskar, er tæki á staðnum?
þurfum við fleiri spil, pictionary, trivial eða annað?
bara smá pælingar
Auður

3.3.05

Afmælis kveðja

Til hamingju með afmælið Bryndís mín þó seint sé (ég er svo utan við mig)
og til hamingju með bróður þinn áfram Borgó:)
sjáumst í kvöld
kv Björk

saumó í kvöld

öhh m á hann að vera hjá Röggu eins og segir í sms inu sem ég fékk í gær, ég er að vinna en kem eins fljótt og ég get, svona um 10
kv.
Auður

2.3.05

saumó fimmtudag

Ég kem.
Kv. Inga

1.3.05

til hamingju

sælar
ég varð síma og netsambandslaus í gær, þó ég væri lítið sem ekkert heima þá truflaði þetta mig mikið. Ég var einmitt búin að hugsa svo sterkt til þín Bryndís en svo tók þetta símamál alveg athyglina frá öllu öðru.
Ég heyri bara frá ykkur hvað þið ákveðið á miðvikudag, ég er svo meðfærileg.
Nú og svo get ég nú alltaf komið eftir vinnu í smástund, við erum ekki lengur eins þaulsætnar og við vorum á yngri árum.

kv.
Auður

Afmæliskveðja

Innilega til hamingju með afmælið Bryndís mín.
Ég sem hitti þig í dag og gleymdi alveg að óska þér til hamingju með daginn en betra er seint en aldrei.

Kær kveðja,
Inga María

24.2.05

Saumó

ég kemst á miðvikud
kv Björk

Kemst ekki á miðvikudag

Hæhæ
Ég kemst því miður ekki í saumó á miðvikudag í næstu viku. Ég er að vinna í HS þá vikuna mán, þri. og miðvikudag frá 5-10.
Ég er að fara á fund á mánudagskvöldið og hef ekki efni á að missa meira en eina vakt út í heilli viku.
kv.
Auður

23.2.05

skype og saumó

hæ, það er ingaogeythor ekki & :)
Ég geri mitt besta til að koma á miðvikudaginn en næsta vika er algjört horror - það á að skila hvorki meira né minna en 5 verkefnum þá vikuna þetta er alveg ótrúlegt, reyndar svolítið lýsandi hvernig sl. vikur eru búnar að vera en ekki þó alveg svona slæmar.
Hlakka til að sjá ykkur.
Kv. Inga

skype

já og ég er með audur_sig

farangur og fleira

hi hi Ragga, ég held við þurfum nú líka alveg helling af matvælum ef ég þekki okkur rétt, og spil og klósettpappír og fl. en rétt er það að ekki hef ég nú skipt mikið um föt þessar helgar, náttföt og sundföt hafa verið málið.
Ég hef pínulítið til að hlakka til, ég pantaði mér adsl tengingu frá Hive á netinu áðan og bíð spennt. Ég er svo leið á því að vera á innhringisambandi og svo kemur það bara fram í símreikningnum, ég spara ekkert á því að vera í svona sambandi. Eyði bara tíma og taugum. Svo getur maður ekki hlaðið neinu niður, það tekur það langan tíma að maður sleppir því. Stór mail hafa verið horror. Maður verður svolítið netútundan.
Já svo ætla ég að fara að nota Skype fyrir öll útlandasímtöl, Inga ég finn þig ekki undir inga&eythor eins og þú skrifaðir hérna einhverntímann. Hvaða nick eru þið með í skype?

22.2.05

Sumarbústaður jess

Já einmitt sammála síðustu ræðumönnum, hlakka mikið til að fara í ferðina okkar.
Við þurfum að fara að skipuleggja okkur það er rétt. Ég get keyrt á bílnum hennar mömmu, hann er í góðu lagi og á vetrardekkjum og bara mjög duglegur í færðinni sem er búin að vera í bænum í vetur, en hann er nokkuð lítill varðandi farangur, bara svo það sé á hreinu. Svo kannski kemst ekki næginlega mikið áfengi með í þann bílinn hi hi.
Það er gott að heyra að allt gekk vel hjá mömmu þinni Björk.
Já það er eitthvað sem tekur tíma að venjast þegar foreldrar flytja út af æskuheimili mans. En eflaust léttir fyrir þau að komast í minna húsnæði.
Inga ég leyfi mér örlítið að efast um að þú lesir mikið í bókunum þessa helgina, en það er alltaf gott að hafa þær með ef ske kynni að maður skyldi kýkja í þær, ekki satt.
góða nótt
Auður

21.2.05

HæHæ

hæ stelpur gaman sjá hvað fólk er spennt ég er líka mjög spennt og farin að spá í áfengið eins og sumir það verður örugglega gaman en hvernig er með bíla ég veit að minn kemst ekkert hann er svooo milkil drusla þessa dagana (ég þarf að fara að sofa hjá bifvélavirkja) nei djók!!!

Mamma fór í aðgerðina í dag og það gekk mjög vel þetta var staðbundið og læknirinn sagðist hafa tekið allt sem er frábært :)
þau eru flutt í Lómasali og þeim finnst það bara mjög fínt.
þó svo að ég sakni Kastalagerðisins þetta er dálítið skrítið vegna þess að þau voru búin að búa þar í 35 ár en svona er lífið

ég vona að allir séu vel stemdir fyrir ferðina þurfum við ekki að hittast áður ??
kveðja Björk

Bryndís er Vigdís búin að eiga???
ein forvitin

hæ, hæ

Sælar dömur

Ég er svo innilega sammála Röggu, ég hlakka ekkert smá til bústaðarferðarinnar - þó svo ég þurfi að taka með mér bækur þá ætla ég með, ekki spurning. Ég virkilega vona að allar komist, það er svo gaman þegar allir eru.
Annars er svo sem ekkert að frétta nema það er bara geðveikt að gera, skólinn og svo hér heima, þó svo að ég geri ekki mikið hér heima, endalausir kassar út um allt. Eyþór þrælar sér út, ég er eitthvað að reyna að læra en það er reyndar takmarkað hvað maður lærir mikið á kvöldin, svo af því það er svo mikið að gera hjá mér þá ætla ég að fara að horfa á Survivor og CSI núna.
Bæ í bili, hlakka til að hitta ykkur næst þegar við hittumst, vonandi þó sem fyrst.
Kv. Inga María

10.2.05

viðtal

Æjjii, mér fannst ég nú ekki sýna mig frá minni bestu hlið í þessu viðtali. En það gleður mann í það minnsta að vita að maður var ein þeirra 7 sem fengu viðtal af þeim 60 sem sóttu um. Auk þess sem leitast er við að leiðrétta kynjahlutfallið innan deildarinnar sem er karlkyninu óhagstætt, sem sagt helst er leitað að manni. En þeir voru greinilega ekki nógu margir álitlegir sem sóttu um.
A

9.2.05

Afmæliskveðjur o.fl.

Sælar stelpur
Við erum flutt og búum eiginlega í kössum þessa dagana. Það er svo mikið að gera þessa dagana að maður hefur ekki mikinn tíma til að klára þetta en það hlýtur að koma á endanum.

Innilega til hamingju með afmælin Ragga og Björk. Vona að þú farir nú að hressast Björk mín. Ég óska þér góðs gengis Auður mín, vona að viðtalið gangi vel.

kær kveðja, Inga María

p.s. við erum í Holtagerði 26, skólinn er bein fyrir framan okkur.

8.2.05

Gangi þér vel

Gangi þér vel Auður mín ég vona að þetta sé happa dagur
kv Björk (ennþá lasin)

Ammælistelpur

Elsku Ragga
Til hamingju með afmælið, ég var bara allt of upptekin af sjálfri mér til að fatta afmælið þitt eitt árið enn :0( ég er ekki góð í þessu. Það er bara allt of mikið af afmælum í febrúar í kringum mig.
Svo ég óska þér Björk til hamingju fyrirfram líka áður en ég gleymi því.
Annars er ég að fara í atvinnuviðtal í fyrramálið svo vonandi er afmælisdagurinn þinn happadagurinn minn.
bæjó
Auður

7.2.05

Afmælis kveðja

hæ hæ
til hamingju með afmælið Ragga mín loksins búin að ná mér :)
jæja ég ætlaði að kíkja á Ingu Maríu á laugardaginn en hef örugglega farið í vitlaust hús eru þið ekki númer 22 ??
kv Björk (lasna)